Шәһәребезнең популяр җырлы гаиләсе, "Энергетик" мәдәният сараеның яшь солистлары Айгөл һәм Ришат Шәйхетдиновларның "Бар да мәхәббәттән башлана" дип аталган зур концерт-тамашасы булды.

Сәхнәдә инде 10 ел эшләп иҗат итүче бу матур гаиләнең чыгышын һәр тамашачы җылы кабул итте.

Концерт программасында Ришат Шәйхетдиновның композитор булырак та иҗат җимешләре күренде, бик күп җырларны дуэт буларак башкардылар.

Айгөл Шәйхетдиновага Яр Чаллы шәһәре Башкарма комитеты мәгариф идарәсенең Мактау кагәзе тапшырылды.

Программада халык җырлары һәм көйләрендә зур урын бирелде.

Концерт-тамаша матур сүзләр һәм биюләр белән үрелеп барды. Сәхнәнең заманча бизәлешен дә тамашачы яратып кабул итте.

Татар эстрадасының якты йолдызлары, өметле җырчылары Айгөл һәм Ришат Шәйхетдиновларга зур уңышлар телибез!